-
-
-
-
काठमाडौं । सोमबारलाई तोकिएको बैठकमा नेताहरु नै नआएपछि राष्ट्रिय जनता पार्टी नेपालको अध्यक्षमण्डलको बैठक मंगलबार बस्दैछ ।
बैठक बिहान ११ बजे पार्टी कार्यालय बबरमहलमा बस्नेछ ।
सोमबारका लागि डाकिएको बैठकमा अध्यक्ष मण्डलका नेताहरु महेन्द्रराय यादव, राजकिशोर यादव र अनिलकुमार झा उपस्थित हुन नसकेपछि मंगलबारका लागि सारिएको हो ।
बैठकमा प्रतिनिधिसभा र प्रदेशसभा चुनावको समीक्षा, केन्द्र र प्रदेश सरकार गठन लगायतका विषयमा छलफल हुनेछ ।
राजपामा समानुपातिक सांसद छनौटमा विवाद चरम उब्जिएको छ । यस विषयमा समेत छलफल हुँदैछ ।
प्रतिनिधिसभाको प्रत्यक्षमा ११ सिट जितेको थियो ।
संघीय समाजवादी फोरमलाई एमालेको नेतृत्वमा अब बन्न सक्ने सरकारमा लिन सक्ने जनाइँदा राजपाले के गर्ला भन्ने चासो पनि बढेको छ ।
