- सुन चाँदी दर
- विनिमय दर
- नेपाली पात्रो
- राशिफल
बर्दिया । मध्य र सुदूरपश्चिमको भ्रमणमा रहेका पूर्व राजा ज्ञानेन्द्र शाह सपरिवार मंगलबार दिउँसो बर्दियाको गुलेरियामा रहेको शिवमन्दिर दर्शन गर्न जाने भएका छन् ।
उनी दिँउसो २ बजे शिवमन्दिर दर्शन गर्न जाने कार्यक्रम रहेको जनाइएको छ ।
त्यसका लागि सुरक्षा व्यवस्था कडा पारिएको जनाइएको छ ।
पूर्वराजाले मंगलबार शिवदर्शनपछि सर्वसाधारणसंग पनि भलाकुसारी गर्ने समय निकालेको स्रोतले बताएको छ ।
बुधबार पूर्वराजा कैलालीको धनगढी जाने कार्यक्रम रहेको छ ।
पूर्वराजा गत पुस १३ गते मध्य र सुदूरपश्चिमको भ्रमणका लागि काठमाडौंबाट नेपालगञ्ज गएका थिए ।
उनले १३ गते नै आफ्नोसमेत लगानी रहेको सोल्टी होटलको उद्घाटन गर्ने कार्यक्रम रहे पनि त्यो सफल हुन सकेन ।