- सुन चाँदी दर
- विनिमय दर
- नेपाली पात्रो
- राशिफल
काठमाडौं । स्पेनिस फुटबल क्लव रियाल मड्रिडको खेल दिनानुदिन खस्किँदो छ । रियाल लो बजेटको क्लव लेगानेससंगै पराजित हुँदा कोपा डेल रेबाट समेत बाहिरिन पुगेको छ ।
रियाल लेगानेससँग अवे गोलमा पराजित भएपछि कोपा डेल रे बाट बाहिरिएको हो । घरेलु मैदान सान्टियागो बर्नाबाउमा भएको दोस्रो लेगमा लेगानेसले रियाल मड्रिडलाई २–१ ले पराजित गर्यो ।
रियाललाई करिम बेन्जेमाले गोल दिलाए । लेगानेसलाई इरासो र गाब्रियालले गोल गरे ।
यसअघि लेगानेसको मैदानमा भएको पहिलो लेगमा रियाल १–० ले विजयी भएको थियो ।
एग्रिगेशनमा २–२ गोलको बराबरी भएपनि लगानेसले अवे गोलमा गरेको दुई गोलले जित हासिल गर्यो ।
लेगानेस सेमिफाइनलमा पुग्दा रियाल क्वाटरफाइनलबाटै बाहिरियो ।
यता, एलाभेसलाई टाईब्रेकरमा ३–२ ले हराउँदै भ्यालेन्सिया सेमिफाइनलमा पुगेको छ ।
पहिलो लेगमा २–१ को जित हात पारेको भ्यालेन्सिया दोस्रो लेगमा भने एलाभेससँग २–१ ले पराजित भएको थियो ।
३–३ को बराबरी भएपछि टाइब्रेकर हुँदा भ्यालेन्सिया ३–२ ले विजयी भयो ।