- सुन चाँदी दर
- विनिमय दर
- नेपाली पात्रो
- राशिफल
पाँचथर । पाँचथरको हिलिहाङ गाँउपालिका–७ भारपा स्थित सल्लेरी बजार छेउमा ट्याक्टर दुर्घटना हुँदा दुई जनाको मृत्यु भएको छ । दुर्घटनामा एकजना घाईते भएका छन् । शनिबार विहान ९ बजे भएको दुर्घटनामा दुई जनाको घट्नास्थलमै मृत्यु भएको प्रहरी निरीक्षक विज्ञान बस्नेतले जानकारी दिए ।
ताप्लेजुङबाट पाँचथर सदरमुकाम फिदिम आउँदै गरेको मे १ त ३४०६ नम्बरको ट्याक्टर दुर्घटना हुँदा ताप्लेजुङ श्रीजङ्गा– ४ का भुपेन्द्र दर्जि र श्रीजङ्गा–२ का कमल भट्टराईको घटनास्थलमै ज्यान गएको प्रहरिले जनाएको छ ।
दुर्घटनामा ताप्लेजुङ सान्थाक्राका समिर शेर्पा घाईते भएका छन् । उनको उपचारका लागि पाँचथर जिल्ला अस्पताल ल्याइएको छ । ट्याक्टर सडकबाट करिब एक सय ७० मिटर तल झरेको प्रहरीले जनाएको छ ।