- सुन चाँदी दर
- विनिमय दर
- नेपाली पात्रो
- राशिफल
सुखड । कैलालीको घोडाघोडी ताल क्षेत्रमा देखा परेको अजिङ्गरलाई देवताको नाममा पुजिदै छ । घोडाघोडी क्षेत्रमा रहेको रुइनिको रुखमाथी एक महिनादेखि अजिङ्गर बसिरहेको छ ।
कैलालीको घोडाघोडीनगरपालिका ४ माघिमा रहेको पशुपति प्रस्ताबित सामुदायिक बनबाट उद्दार गरि ल्याइएको सो अजिङ्गरलाई घोडाघोडी तालक्षेत्रमा छोडिएको थियो ।
इलाका बन कार्यालय सुखड र स्थानियको रोहबरमा मंसिरमा अजिङ्गरलाई ताल क्षेत्रमा छोडिएको हो ।
ताल क्षेत्रमा छोडिएको अजिङ्गर शिवरात्रीको दिनदेखि नै रुखमा देखिएपछि स्थानियले देउताको रुप भन्दै पुज्दै आएका छ्न् ।
५ किलो ७०० ग्राम तौल रहेको अजिङ्गर बसेको रुखमुनि सिला, घन्ट, धजा राखी स्थानिय ८८ बर्षीय पुजारी चन्द्र दत्त सापकोटाले देउताको रुपमा पुजा गर्दै आएका छ्न् ।
स्थानिय बासिन्दाहरु पनि देखा परेको अजिङ्गरलाइ भगवानको रुपमा उत्पन्न भएको भन्दै पुजा तथा दर्सन गर्न आउने गरेका छ्न् ।
यता बन विशेषज्ञ डा राजेन्द्र केसीले अजिङ्गर जात एकदमै अल्छी हुने भएकाले खाने आहारा ढुकेर बस्दा महिनौंसम्म एकै स्थानमा बस्ने गरेको बताए ।
उनले भने ‘यसलार्इ देउताको रुपमा नलिइ सामान्य रुपमा लिनुपर्छ । अजिङ्गरले एक पटक खाना खाएपछी लामोसमय सम्म खाना नखाएर बस्न सक्ने भएकाले रुखमा बसिरहेको हुन्छ ।’
अजिङ्गर आहार बिहारका लागि आफै रुखमा चढ्ने र झर्ने गर्छन् ।