‘सरकारले कोरोना संक्रमण नियन्त्रण अध्यादेश किन ल्याएन ?’ –अर्जुननरसिंह केसी
हाम्रा कुरा
प्रकाशित २०७८ वैशाख २३ बिहिबार
739
Shares
काठमाडौं । नेपाली कांग्रेसका केन्द्रीय सदस्य अर्जुननरसिंह केसीले केपी शर्मा ओली नेतृत्वको सरकारले कोरोना संक्रमण नियन्त्रण अध्यादेश नल्याएकोमा प्रश्न गरेका छन् ।
उनले सरकारले १५ महिनादेखि जारी अनेकौं अध्यादेश ल्याउने सरकारले अहिले सबैभन्दा जल्दोबल्दो र गम्भीर कोरोना नियन्त्रणको अध्यादेश नल्याएको भन्दै प्रश्न गरेका हुन् ।
नेता केसीले सामाजिक संजालमा आफ्नो भनाइ राख्ने क्रममा बुधबारको कोरोनाको तथ्यांक प्रस्तुत गर्दै सरकारको नियतमाथि गम्भीर प्रश्न खडा गरेका छन् । उनले औषधि नपाएर मृत्यु भएकाहरु राज्यबाट गरिएको हत्या भएको पनि आरोप लगाएका छन् ।
उनले लेखेका छन्, ‘कोरोना संक्रमण गत हप्ता भन्दा १२७ प्रतिशतले वृद्धि, आज मात्र ५८को मृत्यु र ८६५९ संक्रमित, सरकारले १५ महिनादेखि जारी अनेकौ अध्यादेशमा कोरोना संक्रमण नियन्त्रण अध्यादेश किन ल्याएन ? चारैतिर मृत्युको ताण्डव छ । आइसीयू, अक्सिजन, भेन्टिलेटर, बेड र औषधि नपाएर मृत्यु भएकाहरू राज्यबाट गरिएको हत्या हो ।’
