भारतमा तीन लाख ५१ हजार बढी कोरोना संक्रमितलाई निको

हाम्रा कुरा

प्रकाशित २०७८ वैशाख ३० बिहिबार

काठमाडौं । भारतमा बुधबार ३ लाख ६२ हजार ३८९ जना कोरोना भाइरसका संक्रमित थपिएका । मंगलबार ३ लाख ४८ हजार ३८९ जना संक्रमित थपिएका थिए । सोमबार ३ लाख २९ हजार ३७९ जना मात्रै संक्रमित थपिएका थिए । आइतबार ३ लाख ६६ हजार ३१७ जना संक्रमित देखिएका थिए । भारतमा गत बिहीबार अहिलेसम्मकै सबैभन्दा बढी ४ लाख १४ हजार १८२ संक्रमित थपिएका थिए ।

योसँगै भारतमा अहिलेसम्म संक्रमित हुनेको संख्या २ करोड ३७ लाख २ हजार ९८१ पुगेको छ । हाल सक्रिय संक्रमित ३७ लाख ६ हजार १०५ रहेका छन् । गत आइतबार सबैभन्दा बढी ३७ लाख ४१ हजार ३६८ जना सक्रिय संक्रमित रहेका थिए ।

बुधबार ३ लाख ५१ हजार ७४० जना संक्रमितलाई निको भएको छ । लामो समयपछि सोमबार र मंगलबार संक्रमित थपिने भन्दा निको हुने बढेका थिए । तर बुधबार संक्रमित बढेका छन् ।