भारतमा एकैदिन अहिलेसम्मकै सबैभन्दा बढी कोरोना संक्रमितलाई भयो निको

हाम्रा कुरा

प्रकाशित २०७८ जेठ ४ मंगलबार

काठमाडौं । भारतमा कोरोना भाइरसबाट सोमबार (१७ मेमा) अहिलेसम्मकै सबैभन्दा बढी कोरोना संक्रमितलाई निको भएको छ । सोमबार ४ लाख २२ हजार २५७ जना संक्रमितलाई निको भएको हो । यो भारतको मात्र नभई कुनै पनि देशको एकैदिनमा निको हुनेहरुको सबैभन्दा बढी संख्या हो ।

अहिलेसम्म २ करोड १५ लाख ९० हजार ३ जना संक्रमित कोरोनामुक्त भएका छन् । यसैबीच भारतमा संक्रमित तीव्र गतिमा घटेका छन् । सोमबार संक्रमित घटेर २ लाख ६२ हजार ८९१ जना थपिएका छन् । आइतबार एकैदिन २ लाख ८१ हजार ६८३ जना संक्रमित थपिएका थिए । लामो समयपछि लगातार दोस्रो दिन दुई लाखको आँकडामा संक्रमित थपिने क्रम देखिएको हो ।

शनिबार ३ लाख १० हजार ५८० संक्रमित थपिएका थिए । शुक्रबार ३ लाख २६ हजार १४ जना संक्रमित थपिएका थिए । भारतमा दुई हप्ताअघिको बिहीबार अहिलेसम्मकै सबैभन्दा बढी ४ लाख १४ हजार १८२ संक्रमित थपिएका थिए ।