भारतमा १४ लाखमा झरे कोरोनाका सक्रिय संक्रमित, एकैदिन ३७ लाख ५० हजारलाई खोप
हाम्रा कुरा
प्रकाशित २०७८ जेठ २३ आइतबार
1.3k
Shares
काठमाडौं । कोरोना भाइरसको महामारीविरुद्धको एक मात्र विकल्प रहेको खोप भारतले तीव्र रुपमा लगाइरहेको छ । अहिलेसम्म भारतमा २२ करोड, ७८ लाख ६० हजार ३१७ जनाले खोप लगाएका छन् । शनिबार ३७ लाख ५० हजार ८६९ जनाले खोप लगाएका छन् । शुक्रबार एकैदिन ३० लाख ६५ हजार ७५५ जनाले खोप लगाएका थिए । बिहीबार २४ लाख ९७ हजार २६ जनालाई खोप लगाइएको थियो ।
खोप लगाएकामध्ये कुल जनसंख्याको ३।४ प्रतिशतले दुवै डोज लगाए भने १३।७ प्रतिशतले कम्तीमा एक डोज लगाएका छन् ।
त्यस्तै भारतमा कोरोना भाइरसका संक्रमितहरु तीव्र रुपमा घटिरहेका छन् । शनिबार १ लाख ८९ हजार ८९ जनालाई निको भएको छ । शुक्रबार १ लाख ९७ हजार ३७१ जनालाई निको भएको थियो । बिहीबार २ लाख ५ हजार ७७१ जनालाई निको भएको थियो ।
१७ मेमा अहिलेसम्मकै सबैभन्दा बढी ४ लाख २२ हजार २५७ जना संक्रमितलाई निको भएको थियो । अहिलेसम्म भारतमा २ करोड ६९ लाख ७६ हजार ६११ जना संक्रमित कोरोनामुक्त भएका छन् ।
भारतमा संक्रमित पनि तीव्र गतिमा घटेका छन् । शनिबार १ लाख १४ हजार ४१५ जना संक्रमित थपिएका छन् । शुक्रबार १ लाख २० हजार ३३२ जना संक्रमित थपिएका थिए । बिहीबार १ लाख ३१ हजार २८० जना संक्रमित थपिएका थिए ।
भारतमा मे पहिलो साताको बिहीबार अहिलेसम्मकै सबैभन्दा बढी ४ लाख १४ हजार १८२ संक्रमित थपिएका थिए । भारतमा अहिलेसम्म २ करोड ८८ लाख ८ हजार ३७२ जना संक्रमित पुगेका छन् ।
शनिबार २ हजार ६८१ जनाको ज्यान गएको छ । शुक्रबार ३ हजार ३७० जनाको ज्यान गएको थियो । बिहीबार २ हजार ७०५ जनाको ज्यान गएको थियो । बुधबार २ हजार ८९७ जनाको ज्यान गएको थियो ।
१७ मेमा अहिलेसम्मकै सबैभन्दा बढी ४ हजार ५३० जनाको ज्यान गएको थियो । योसँगै भारतमा अहिलेसम्म ३ लाख ४६ हजार ७८४ जनाको ज्यान गइसकेको छ ।
सक्रिय संक्रमित घटेर १४ लाखमा झरेका छन् । हाल १४ लाख ७३ हजार ४३० जना सक्रिय संक्रमित रहेका छन् ।
