काठमाडौं । सन् २०२२ को कतार विश्वकप फुटबलका लागि विश्वभर छनोट खेलहरु भइरहेका छन् । पछिल्ला खेलमा एसियातर्फको छनोटको समूह बी को खेलमा नेपाल जोर्डनसँग ३–० ले पराजित हुँदा अष्ट्रेलियाले चाइनिज ताइपेईलाई ५–१ ले हराएको छ ।
त्यस्तै समूह सी को खेलमा ईराकले कम्बोडियालाई ४–१ ले तथा ईरानले बहराइनलाई ३–० गोल अन्तरले हरायो ।
समूह डी को खेलमा उज्वेकिस्तानले सिंगापुरलाई ५–० गोल अन्तरले हरायो । समूह ई को खेलमा बंगलादेश भारतसँग २–० गोल अन्तरले पराजित भयो । भारतलाई जित दिलाउन दुवै गोल सुनील क्षेत्रीले गरे ।
त्यस्तै विश्वकपको आयोजक कतारले ओमानलाई १–० गोल अन्तरले हरायो । समूह एफको खेलमा मंगोलियाले कीर्गिस्तानलाई १–० गोल अन्तरले तथा जापानले ताजिकिस्तानलाई ४–१ गोल अन्तरले हरायो ।
समूह जी को खेलमा युएईले थाइल्याण्डलाई ३–१ गोल अन्तरले र भियतनामले इन्डोनेसियालाई ४–० गोल अन्तरले हरायो ।
समूह एचको दक्षिण कोरिया र उत्तर कोरियाबीचको खेल भने स्थगित भएको छ ।
