-
-
-
-
काठमाडौं। याएर लापिड इतिहासमै पहिलो पटक युनाइटेड अरब एमिरेट्स(युएई)को औपचारिक भ्रमण गर्ने पहिलो इजरायल विदेशमन्त्री बनेका छन् ।
मंगलबार अबुधावीमा इजरायल राजदुतावास र वाणिज्य दुतावासको उद्घाटन गर्न याएर लापिड युएई पुगेका हुन् ।
इजरायलको नयाँ सरकारका नयाँ मन्त्रीका रुपमा रहेका लापिडलाई युएई समकक्षी अब्दुल्ला बिन जाएद अल नाह्यानले स्वागत गरेका छन् ।
यसका साथै दुवै समकक्षीबीच बहुपक्षीय हित र सम्बन्धका बिषयमा छलफल हुने बताइएको छ ।
करिब साढे चार महिनाअघि देखि राजदुतावास सञ्चालनमा आएपनि अहिले विदेशमन्त्री लापिडको भ्रमणले अरब मुलुक र इजरायलबीचको सम्बन्धलाई नयाँ इतिहासका रुपमा स्थापीत गरिदिएको छ ।
