-
-
-
-
काठमाडौं। काठमाडौंबाट नारायणगढ जाँदै गरेको संयुक्त राष्ट्र संघ (युएन)को गाडी पहिरोमा परेर क्षतिग्रस्त भएको छ । कुरिनटार-मुग्लिनबीचमा अचानक पहिरो खस्दा गाडी क्षतिग्रस्त भएको हो।
६६-१-१३५४ नम्बरको गाडी रोकिराखेको अवस्थामा अचानक माथिबाट पहिरो खसेको प्रत्यक्षदर्शी यात्रु सुरेश रौनियारले बताएका छन् ।
गाडीमा मान्छे नभएका कारण मानवीय क्षति हुन नपाएको उनले बताए ।
मनसुनी वर्षाका कारण देशका विभिन्न ठाउँमा पहिरो खसिरहेको छ भने, केही सडकहरू अवरुद्ध समेत हुन थालेका छन् । हाल लगभग देशभरको मौसम प्रतिकुल रहेको छ ।
