- सुन चाँदी दर
- विनिमय दर
- नेपाली पात्रो
- राशिफल
काठमाडौं । अमेरिकी सेनाले अफगानिस्तानमा रहेको मुख्य सैन्य अखडा खाली गरेको छ । तालिबानसँगको दुई दशक लामो युद्धपछि अमेरिकी सेनाले अफगानिस्तानको मुख्य सैन्य आधार (अखडा) छोडेको एक अमेरिकी रक्षा अधिकारीले बताएका छन् ।
अफगानिस्तानको बग्राम सैन्य अखडाबाट सबै अमेरिकी र नाटोका सेनाहरु फिर्ता भएको ती अधिकारीले रोयटर्सलाई बताएका छन् ।
काबुलदेखि ६० किलोमिटर उत्तरमा रहेको बग्राम सैन्य अखडा खाली भएसँगै अफगानिस्तानमा अमेरिकी नेतृत्वको मिसन अन्त्यतिर आइपुगेको देखिन्छ ।
यो सैन्य अखडा अब अफगानी सेनालाई हस्तान्तरण गरिने भएको छ । जुलाई ४ सम्म अफगानिस्तानबाट सबैजसो सैनिकहरु निश्कि सक्ने बताइएको छ ।
बाँकी केही सैन्य बल दुतावासको सुरक्षाका लागि रहने छन् । अमेरिकी राष्ट्रपति जो बाइडेनले आउँदो सेप्टेम्बर ११ सम्म अफगानिस्तानबा आफ्नो सेना फिर्ता लगिसक्ने घोषणा गरेका छन् ।