सीसीपीको शताब्दी उत्सवको 'सफ्ट-प्याडल कभरेज' प्रति अमेरिकी विज्ञहरू सशङ्कित
एजेन्सी
प्रकाशित २०७८ असार २४ बिहिबार
785
Shares
फाइल तस्बिर
काठमाडौँ। चिनियाँ कम्युनिस्ट पार्टीको शताब्दी उत्सवको अवसरको सफ्ट-प्याडल कभरेजप्रति अमेरिकी विज्ञहरू सशङ्कित भएका छन्। कम्युनिस्ट पार्टी शताब्दी उत्सवमा चिनियाँ राष्ट्रपति सी जिनपिङको भाषणको 'सफ्ट-प्याडल कभरेज' ले अमेरिकी विज्ञहरूलाई सशङ्कित बनाएको हो।
फक्स न्यूजका अनुसार संयुक्त राज्य अमेरिकामा मूलधारका मिडियामा सीपीसीको १०० वर्षगाँठ मनाएको प्रसङ्गको व्यापक कभरेज मानवअधिकार उल्लङ्घनका घटनाहरूलाई पर्दा पछाडि लुकाउने चिनियाँ प्रयास केही हदसम्म सफल भएको विज्ञहरूले बताएका छन्।
चीन विशेषज्ञ गोर्डन चांगले धेरै समाचार एजेन्सीहरू चीनमा आफ्नो शाखा विस्तार गर्न चाहन्छन् र यसको परिणाम स्वरूप उनीहरूले आफ्नो कभरेजलाई बढाएको र चिनियाँ राष्ट्रपतिको कभरेज बढाएको बताएका छन्।
"मलाई लाग्छ, धेरै समाचार संस्थाहरू चीनमा आफ्नो व्यापार बढाउन चाहन्छन् र त्यसैले उनीहरूले सफ्ट-प्याडल कभरेजमा इच्छुक देखिएका हुन्। उनीहरूले यस्तो प्रसङ्गहरूको खोजी गरिरहेका थिए," चांगले फक्सलाई भने, "मलाई लाग्छ कि त्यहाँ व्यावसायिक उद्देश्य रहेको छ।"
सीपीसीको १०० औँ स्थापनाको वार्षिकोत्सवमा, सिले चेतावनीयुक्त भाषामा भनेको अभिव्यक्तिलाई कुनै पनि राष्ट्रले आलोचनात्मक समाचारहरू बनाएनन्। चांगका अनुसार मूलधारका मिडियाले कम्युनिस्ट नेताको बयानबाट अमेरिका पठाइएको "महत्त्वपूर्ण सन्देश" लाई लिन सकेनन्।
"उनीहरूले भन्नु पर्ने कुरा भनेको सी जिनपिंगको अरू देशहरूमा क्षेत्रीय डिजाइन छ। त्यसो भए वास्तवमा उनले के भनेका थिए कि उनीले यस क्षेत्रमा युद्ध लड्ने छन्। तर त्यो विषयलाई समाचारहरूमा औँल्याइएको थिएन," चाङले भने, "धेरै अमेरिकी मिडिया आउटलेटहरूमा चीनको कभर गर्ने बेला भाषणको मुख्य तत्त्वलाई छोडेर बाह्य भाषणमा प्राथमिकता दिइएको पाइएको छ।"
