डेल्टा भेरियन्टको त्रासकाबीच भारतीय प्रधानमन्त्री मोदीले गरे खोप लगाउन आह्वान

एजेन्सी

प्रकाशित २०७८ असार २५ शुक्रबार

नयाँ दिल्ली। कोरोना महामारीको पहिलो भन्दा दोस्रो लहरले बढी प्रभावित बनाएको भारतका प्रधानमन्त्री नरेन्द्र मोदीले सर्वसाधारणलाई खोप लगाउन फेरि अपिल गरेको छन्। दोस्रो लहर कमजोर बन्दै गएको अवस्थामा विज्ञहरूले तेस्रो लहर आउन सक्ने चेतावनी दिएकै बेला प्रधानमन्त्री मोदीले चाँडो खोप लगाउन अपिल गरेका हुन्।

खोप पूर्ण रूपमा सुरक्षित भएको उल्लेख गर्दै प्रधानमन्त्री मोदीले तत्काल खोप लगाएर आफू सुरक्षित हुन आग्रह गरेका हुन्। भारतमा मे महिनामा दैनिक चार लाख भन्दा बढीलाई कोरोना भाइरसको सङ्क्रमण देखिएको थियो।

भारतमा सङ्क्रमण बढ्दै गएपछि सरकारले खोप अभियानलाई व्यापक रूपमा अघि बढाएको हो। जसका कारण भारतमा खोपको अवस्थामा बिस्तारै सुधार हुँदै गएको पाइन्छ। भारतमा हालसम्म ३० करोड भन्दा बढीले कोरोनाविरुद्धको खोप लगाइसकेका छन्।

प्रधानमन्त्री मोदीले भने, "खोप लगाउनुहोस्। सामाजिक दूरी कायम गर्न र मास्क लगाउन पनि नबिर्सिनुहोस्। यो राम्रो सुरक्षा कवच हो। यसको बारेमा सोच्नुहोस्।"

विज्ञहरूले भारतले डिसेम्बर भित्र सबै वयस्कहरूलाई जीवाणु करण गर्ने लक्ष्य हासिल गर्न दैनिक १० करोड डोज खोप लगाइसक्नु पर्ने हुन्छ। तर देशले दुई खुराकको साथ पूर्ण रूपमा ६ प्रतिशतभन्दा कम खोप लगाएको छ।

भर्चुअल बैठकमा केही गाउँलेहरूसँग कुराकानी गर्दै मोदीले समुदाय नेताहरूलाई गाउँलेहरू बीच खोपको फाइदाका बारे सचेतना बढाउन र खराब प्रभावहरूका बारेमा अफवाहहरूलाई रोक्न आग्रह गरेका छन्।

भारतले अमेरिका, बेलायतलगायतका मुलुकहरूबाट पनि खोप आयातको प्रक्रिया अघि बढाएको छ।