-
-
-
-
काठमाडौं । भारतीय पहिलो कोरोना संक्रमित फेरि पनि संक्रमित भएको खवर छ । भारतको केरलस्थित थ्रिसूरमा रहने उनी पुनः संक्रमित भएकी हुन् ।
उनी गत वर्ष २०२० को जनवरी ३० मा संक्रमित भएकी थिइन् । भारतमा कोरोना जनवरी ३० मा देखिएको थियो । दोस्रो पटक पोजेटिभ देखिएकी उनी घरमै क्वारेन्टिनमा रहेको भारतीय संचारमाध्यमहरुले लेखेका छन् ।
उनी मेडिकल विद्यार्थी थिइन् । उनी चीनको वुहानबाट भारत फर्केकी थिइन् । कोरोनाबाट ठीक भएको डेढ वर्षपछि उनलाई फेरि कोरोना भएको हो ।
डा. केजी रीनाका अनुसार उनमा अहिले कुनै लक्षण छैन । उनी एसिम्टोमेटिक हुन् । उनले अहिलेसम्म कोरोनाको खोप लगाएकी थिइनन् ।
भारतमा थुप्रै जना दोस्रो पटक संक्रमित भइसकेका छन् र कतिपयको ज्यान पनि गएको छ ।
