-
-
-
-
पोखरा । गोरखामा खोलाले बगाउँदा एक युवक वेपत्ता भएका छन् । वेपत्ता हुनेमा गोरखा चुमनुब्री गाउँपालिका–३ घट्टेखोलाका ३० वर्षका विजय गुरुङ रहेका छन् ।
गण्डकी प्रदेश प्रहरी कार्यालय पोखराले दिएको जानकारी अनुसार शुक्रबार राति ११ बजे उनलाई ठाडो खोलाले बगाएको हो ।
वरिष्ठ प्रहरी उपरीक्षक नरबहादुर केसीले दिएको जानकारी अनुसार गुरुङ दिदीलाई लिएर घर आउँदै गर्दा खोला माथिको काठेपुलबाट खसेर बेपत्ता भएका हुन् । उनको खोजी भइरहेको प्रहरीले जनाएको छ ।
