-
-
-
-
काठमाडौं । भारतमा बुधबार बिहानै भूकम्प गएको छ । राजस्थानको बिकानेरमा ५.३ रेक्टर स्केलको भूकम्प गएको हो । राष्ट्रिय भूकम्प विज्ञान केन्द्रका अनुसार स्थानीय समयअनुसार बिहान ५ः२४ बजे भूकम्प गएको हो । अहिलेसम्म क्षतिको विवरण नआएको जनाइएको छ ।
भूकम्पको झड्का राजस्थानभन्दा पहिले मेघालयमा महसुस गरिएको थियो । त्यहाँ राति २ बजेर १० मिनेटमै ४.१ रेक्टर स्केलको आएको बताइएको छ ।
त्यस्तै लेह लद्दाखमा बिहान ४ः५७ बजे भूकम्पको धक्का महसुस गरिएको थियो । यसको नोक्सानको खवर पनि आएको छैन ।
यसअघि १८ जुलार्यमा गुजरातमा भूकम्पको धक्का महसुस गरिएको थियो । त्यतिबेला ३.९ रेक्टर स्केलको भूकम्प गएको थियो । जुलाईमा हिमाचल प्रदेश, असम, बंगाल र दिल्लीमा पनि भूकम्पको धक्का महसुस गरिएको थियो ।
