जासुसी गरेको भन्दै क्यानेडियन व्यवसायीलाई चीनले हाल्याे ११ वर्षका लागि जेल
हाम्रा कुरा
प्रकाशित २०७८ साउन २७ बुधबार
1.1k
Shares
काठमाडौं । चीनको एक अदालतले बुधवार क्यानेडियन व्यवसायी माइकल स्पाभरलाई जासुसी गरेको आरोपमा दोषी ठहर गरेको छ ।
व्यवसायी माइकल स्पाभरलाई बुधवार डेंगडोंग जिल्लाको अदालतले जासुसी र अवैध रूपमा राज्यको गोपनीयता प्रदान गरेकोमा दोषी ठहर गर्दै ११ वर्ष जेल सजाय तोकेको हो ।
यसले चीन र क्यानेडाबीचको सम्बन्धलाई झनै शिथिल बनाउने सङ्केत गरेको छ । स्पाभरको केही व्यक्तिगत सम्पत्ति जफत गरिएको छ भने, उनलाई निर्वासित गरिने समेत बताइएको । तर, निर्वासित गरिने मिति भने खुलाइएको छैन ।
सन् २०८ मा क्यानेडाले चिनियाँ दूरसञ्चार कम्पनी हुवावेकी प्रमुख वित्तीय अधिकारी मेंग वान्झाउलाई पक्राउ गरेपछि सोही वर्षको डिसेम्बर स्पाभरसहित अर्का एक क्यानेडियन व्यवसायीलाई चीनले पक्राउ गरेको थियो ।
वान्झाउलाई पक्राउ गरेको बदलामा स्पाभरलाई चीनले पक्राउ गरेको आरोप छ । तर, चीनले भने यो आरोप अस्वीकार गरेको छ । स्पाभरले अन्तिम फैसला र आफ्नो रिहाइका लागि अपेक्षा गरेका छन् ।
