काबुलमा तालिवानको प्रवेश, दूतावासबाट हेलिकप्टरमा एयरपोर्ट पुर्याइए अमेरिकी कूटनीतिज्ञ
हाम्रा कुरा
प्रकाशित २०७८ साउन ३१ आइतबार
517
Shares
काठमाडौं। तालिवानले अफगानिस्तानको राजधानी काबुलमा प्रवेश गर्न सुरु गरेको त्यहाँको आन्तरिक मन्त्रालय र सैन्य समूहले बताएको छ ।
आइतबार जलालाबादको मुख्य सहर नियन्त्रण गरेसँगै तालिवानले काबुलमा प्रवेश गर्न सुरु गरेको अन्तर्राष्ट्रिय सञ्चार माध्यममा जनाइएको छ ।
यसबीच अमेरिकी दूतावासमा रहेका कूटनीतिज्ञ एवं कर्मचारीहरू हेलिकप्टरबाट निकालेर विमानस्थल पुर्याइएको जनाइएकाे छ ।
अफगानिस्तानका एक उच्च अधिकारीले सबैतिरबाट तालिवानले प्रवेश गरिरहेकाे बताएका छन् । तर, थप जानकारी पाइएको छैन, अफगान सरकारले स्थिति नियन्त्रणमा रहेको बताएकाे छ ।
दाहोमा रहेका तालिबानका लिडरले काबुल छोड्न चाहनेहरूलाई सुरक्षीतरुपमा छोड्न लडाकुहरूलाई आदेश दिएको बताएका छन् ।
अफगानिस्तानका राष्ट्रपति असरफ घनी सरकारले जवाफी आक्रमण गर्छ या गर्दैन भन्नेबारे स्पष्ट जानकारी आउन नसकेको बताइएको छ ।
तालिबान समूहले लडाकुहरू काबुलमा प्रवेश गरिसकेको तर हिंसा नमच्चाउने भन्दै नागरिकहरूलाई शान्त रहन आग्रह गरेको छ ।
यस्तै तालिबानले जबरजस्तीरुपमा काबुल कब्जा नगर्न समेत लडाकुहरूलाई निर्देशन दिइएको बताइएको छ । तालिवानले दशभन्दा बढी प्रान्तीय राजधानी नियन्त्रणमा ल्याइसकेको छ ।
यसबीच अफगानिस्तानकै राजधानी काबुलमा समेत तालिवान लडाकु प्रवेश गरेका हुन् ।
