सत्ताच्युत राष्ट्रपति घानी यूएईमा, आफूले देश छाडेरै रक्तपात रोकिएको तर्क

हाम्रा कुरा

प्रकाशित २०७८ भदौ ३ बिहिबार

काठमाडौं । आतंकवादी समूह तालिबानले कब्जा जमाएपछि सत्ताच्युत भएका अफगानिस्तानका राष्ट्रपति असरफ घानी शरण लिन युनाईटेड अरब इमिरेट्स (यूएई) पुगेका छन् । तालिबानले काबुल कब्जा गरेपछि उनी शरण लिन यूएई पुगेका हुन् ।

यूएईको विदेश मन्त्रालयले घानी र उनको परिवारलाई मानवीयताको धरातलमा टेकेर शरण दिएको प्रष्ट पारेको बीबीसीले लेखेको छ । यूएई पुगेपछि एउटा भिडियो सन्देश जारी गर्दै घानीले बुधबार राति आफू देश छोडेर भागेको नभई संभावित रक्तपात र विध्वंश रोक्न उचित कदम लिएको बताएका छन् ।

सन्देशमा उनले आफू यूएईमै रहेका कारण रक्तपात र विध्वंश रोकिएको पनि उल्लेख गरेका छन् । घानीले आफूले अफगानिस्तान छाड्दा ठूलो परिमाणमा पैसा लिएर भागेको भन्ने आरोप अस्वीकार गरेका छन् ।