-
-
-
-
काठमाडौं । भारतमा सोमबार मात्र ११ हजार ३८५ कोरोना भाइरसका नयाँ संक्रमित थपिएका छन् । कुनै समय ४ लाखको हाराहारीमा संक्रमित थपिँदै गएकामा अहिले त्यो संख्या घटेर ११ हजारमा झरेको छ ।
त्यसैगरी १७ हजार ५७५ जनालाई निको भएको छ । योसँगै सक्रिय संक्रमित पनि ह्वात्तै घटेका छन् । भारतमा हाल ३ लाख २१ हजार ८७७ जनामात्र सक्रिय संक्रमित रहेका छन् ।
सोमबार २६७ जनाको ज्यान गएको छ । अहिलेसम्म भारतमा ४ लाख ३५ हजार ५१ जनाको ज्यान गइसकेको छ । भारतमा अहिलेसम्म ५८ करोड २५ लाख ४९ हजार ५९५ जनाले कोरोनाको खोप लगाएका छन् ।
जसमा दुवै डोज खोप लगाउने कुल जनसंख्याको ९.८ प्रतिशत हुन् । एक डोज खोप लगाउने ३३.९ प्रतिशत हुन् ।
