-
-
-
-
काठमाडौं । अफगानिस्तानको राजधानी काबुलबाट सम्पूर्ण बेलायती सेना बाहिरिएको डाउनिङ स्ट्रिटले पुष्टि गरेको छ । काबुलमा रहेको अन्तिम बेलायती सेना आइतबार आरएएफ विमानमार्फत बाहिरिएको हो ।
योसँगै अफगानिस्तानमा बेलायतको २० वर्ष लामो संलग्नता समाप्त भएको छ । अफगानिस्तानबाट बाहिरिने क्रममा अगस्त १४ यता बेलायतले १५ हजार भन्दा बढी नागरिकको उद्धार गरेको बताएको छ ।
जसमा करिब ५ हजार बेलायती र ८ हजार अन्य देशका नागरिकहरू रहेको बताइएको छ । बेलायतका प्रधानमन्त्री बोरिस् जोन्सनले यस अवधिमा अल कायदालाई कमजोर पार्न सफल भएको बताएका छन् ।
यस युद्धका क्रममा ज्यान गुमाउनका पुगेका ४ सय ५७ सैन्यप्रति प्रधानमन्त्री बोरिस् दुख व्यक्त गरेका छन् । यस्तै उनले काबुलको पतन हेर्न असह्य भएको समेत बताएका छन् ।
