- सुन चाँदी दर
- विनिमय दर
- नेपाली पात्रो
- राशिफल
काठमाडौं। कोरोना भाइरसविरुद्ध अमेरिकी फार्मास्युटिकल कम्पनी माेडर्नाले उत्पादन गरेको खोपमा मिसावट पाइएपछि जापानले यो खोपमा रोक लगाएको छ । जापानकाे कनागावा प्रान्तमा खोपको बोतलमा एक फार्मासिस्टले थुप्रै कालो पदार्थ (स-सानाकण) फेला पारेका हुन् ।
जापानले मिसावट पाइएको १६ लाख ३० हजार डोज खोपको ब्याचमाथि रोक लगाएको हो । योमध्येबाट ३ हजार ७ सय ९० जनाले खोप लगाइसकेका छन् । यद्यपि, अहिलेसम्म उनीहरूमा कुनै स्वास्थ्य समस्या देखिएको छैन ।
खोप लगाउनु अघि मिसावट परीक्षणका क्रममा मिसावट पाइएको हो । जापानमा मोडर्ना खोप बेच्ने र वितरण गर्ने टाकेडा फार्मास्यूटिकलले मिसावटको आशङ्का भएका खोपहरू सङ्कलन गरेको छ ।
बोतलमा खोप भर्ने स्पेनकाे फार्मास्युटिकल कम्पनी रोभिले उत्पादनकै क्रममा मिसावट भएको हुनसक्ने भन्दै अनुसन्धान गरिरहेको बताएको छ ।
मङ्गलवार जापानको स्वास्थ्य मन्त्रालयले सुई बोतलमा राम्रोसँग हाल्न नजान्दा सुईकै कारण मिसावट भएको हुनसक्ने बताएको थियो ।