राष्ट्रपतिलाई नियन्त्रणमा लिएर सेनाले हत्यायो सत्ता

हाम्रा कुरा

प्रकाशित २०७८ भदौ २१ सोमबार

काठमाडौं । गिनीमा सेनाले सत्ता हत्याएको छ । अफ्रिकी मुलुक गिनीको राजधानी कोनाक्रीमा रहेको राष्ट्रपति भवन प्रवेश गरेको सेनाले अन्धाधुन्ध गोली प्रहार गरी राष्ट्रपति अल्फा कोन्डेलाई नियन्त्रणमा लिएर सत्ताकब्जा गरेको हो ।

सेनाले राष्ट्रपतिलाई नियन्त्रणमा लिएर राष्ट्रिय टेलिभिजनमार्फत सरकार विघटन गरेको पनि जनाएको बीबीसीले लेखेको छ । तर रक्षा मन्त्रालयले भने सेनाको अधिग्रहणको प्रयास राष्ट्रपतिका गार्डले असफल पारिदिएको उल्लेख गरेको छ ।

राष्ट्रपति भवनमा केही घण्टादेखि निरन्तर बन्दुकको गोली बर्सिरहेको थियो । सेनाले गिनीका सबै सीमा नाकाहरु पनि सील गरेको बताएको छ ।