-
-
-
-
काठमाडौं । काबुल कब्जाको २२ दिनपछि तालिबानले अफगानिस्तानमा सरकार गठन गरेको छ । जसमा तालिबानले मुल्ला मोहम्मद हसन अखुन्दलाई प्रधानमन्त्री बनाएको छ ।
तालिबानका मुख्य प्रवक्ता जबिउल्लाह मुजाहिदका अनुसार अखुन्द प्रधानमन्त्री हुँदा तालिबान प्रमुख शेख हिब्दुल्लाह अखुन्दजादा सर्वोच्च नेता हुनेछन् ।
सरकारको नाम ‘इस्लामिक इमिरेट्स अफ अफगानिस्तान’ हुनेछ । तालिबानले अमेरिकाका मोष्ट वान्टेड सिराजुद्धिन हक्कानीलाई गृहमन्त्री बनाएको छ ।
हक्कानीकै परिवारबाट चार जना मन्त्री बनेका छन् । त्यहाँ पनि परिवारवाद घुसेको आरोप लागेको छ ।
मुल्ला बरादर पहिलो उपप्रधानमन्त्री तथा अब्दुल सलाम हनाफी दोस्रो उपप्रधानमन्त्री बनेका छन् ।
३३ सदस्यीय मन्त्रिमण्डलमा कोही पनि महिलालाई मन्त्री बनाइएको छैन ।
मौलवी आमिर खान मुतक्कीलाई विदेश मन्त्री बनाइएको छ ।
मोहम्मद याकुब मुजाहिद रक्षा मन्त्री बनाइएका छन् ।
