लेबनानका लागि स्वास्थ्य सङ्गठनले आपत्कालीन सहयोग पठाउँदै

सिन्ह्वा,

प्रकाशित २०७८ भदौ ३१ बिहिबार

बेरूत, लेबनान । हालको वित्तीय सङ्कटबिच विश्व स्वास्थ्य सङ्गठनले लेबनानको स्वास्थ्य सङ्कट सम्बोधनका लागि आकस्मिक सहयोग प्रदान गर्ने बताएको छ ।

लेबनानको भ्रमणमा रहेका विश्व स्वास्थ्य सङ्गठन (डब्लूएचओ) का महानिर्देशक टेड्रोस अधानोम गेब्रेयससले शुक्रवार भने, “लेबनानमा गम्भीर चुनौतीहरू छन्, विशेष गरी चिकित्सा, इन्धन र पानीको आपूर्तिको अभावले लेबनानका जनताको स्वास्थ्य अवस्थालाई असर गरेको छ । विश्व स्वास्थ्य सङ्गठनले लेबनानको समस्यालाई सम्बोधन गर्न विश्व समुदायसँग छलफल गरिरहेको छ । छिट्टै सहयोग लेबनान आइपुग्नेछ ।”

राष्ट्रपति मिशेल आउनसँग बाबडा प्यालेसमा भएको वार्तापछि गेब्रेयससले भने, “विशेष गरी खोप लगाउने सन्दर्भमा कोभिड-१९ महामारी विरुद्ध लड्न लेबनानले गरेको प्रयास सह्रानीय छ । मध्य पूर्वी यस देशमा अहिलेसम्म ३० प्रतिशत जनसङ्ख्यालाई कोभिड-१९ पुष्टि भइसकेको जनाएको छ ।

उनले भने, “लेबनानको कोभिड-१९को स्थिति सुधार्न र अन्य स्वास्थ्य समस्यामा पनि सहयोग गर्न हामी सहयोगको व्यवस्था गर्नेछौँ ।

उक्त अवसरमा लेबनानका राष्ट्रपति मिशेल आउनले देशले सामना गरिरहेको आर्थिक, स्वास्थ्य र मानवीय सङ्कटलाई ध्यानमा राखेर सङ्गठन र लेबनानबिच थप सहयोगको माग गरे । एक प्रतिनिधि मण्डलको नेतृत्व गर्दै घेब्रेयसस बिहीबार लेबनान आइपुगेका थिए । यस प्रतिनिधिमण्डलले कोभिड-१९ महामारीलगायतका विभिन्न स्वास्थ्य सेवाको अवस्थाको अध्ययन गर्ने बताइएको छ ।