चीनको खतरा बढ्दै जाँदा ताइवानले गर्यो सैन्य अभ्यास
एजेन्सी,
प्रकाशित २०७८ असोज ३ आइतबार
734
Shares
ताइपे। ताइवानमा चीनको खतरा बढ्दै गएपछि त्यहाँको आर्मीले आक्रमण विरोधी विभिन्न सैन्य अभ्यासहरू गरिरहेको छ। पछिल्लो समय चीनले ताइवानलाई आफ्नो कब्जामा लिने विभिन्न प्रयासहरू गरिरहेको ताइवानको आरोप छ ।
एफ-१६ सैन्य विमान आकाश भरि आवाजका साथ उडेपछि ताइवान सतर्क भयो । लगत्तै दक्षिण पश्चिमी ताइवानमा अनानासको खेतहरूसँग घेरिएको एक राजमार्गमा अवतरण गरी छिटो इन्धन भरेर सैन्य अभ्यास सुरु गरेको थियो ।
ताइवानको स्व निर्मित स्वदेशी रक्षात्मक लडाकु, अमेरिकाले बनाएको एफ-१६ बि र फ्रान्सेली निर्मित मिजार २०००-५ सहित चार सैन्य विमान बुधवार बिहान जियाडोंगमा अवतरण गरे । यो सोच्दै अवतरण गरे की दुस्मनले उनीहरूको हवाई अड्डा क्षतिग्रस्त गरिदिए भने उनीहरू के गर्छन् भनेर ।
यो परिदृश्य ताइवानको पाँच दिवसीय हान गुआंग सैन्य अभ्यासको एक हिस्सा हो जुन चीनद्वारा हमलाको लागि द्वीपको सेनाहरूलाई तैयार गर्नको लागि डिजाइन गरिएको छ । जो ताइवानलाई आफ्नो क्षेत्रको भागको रूपमा दाबी गर्दछ। कोभिड-१९ प्रतिबन्धका कारण वार्षिक अभ्यास यस वर्ष सानो थियो।
विगत दुई वर्षयता ताइवानमा चीनबाट खतरा बढेको छ, किनकि पिपुल्स लिबरेशन आर्मीले ताइवानतिर लडाकु विमानहरू उडाएर ताइवान द्वीपको वायु सेनाहरूलाई दैनिक रूपमा डराउने र सताउने प्रयास गरिरहेको छ।
