-
-
-
-
काठमाडौं। नेकपा एमालेका अध्यक्ष केपी शर्मा ओलीले सभामुख अग्निप्रसाद सापकोटा र निर्वाचन आयोगविरुद्ध सर्वोच्च अदालतमा दायर गरेको रिटको सुनुवाइ आज हुँदै छ । एमाले अध्यक्ष ओलीले सभामुख र निर्वाचन आयोगलाई विपक्षी बनाएर दायर गरेको रिटको पेशी आजलाई तोकिएको हो।
सो रिट निवेदन न्यायाधीशद्वय दीपककुमार कार्की र कुमार चुडालको संयुक्त इजलासमा सुनुवाइ हुने गरी पेशीमा चढेको सर्वोच्च अदालतले जनाएको छ । ओलीले १४ सांसदको अवैध हस्ताक्षर निर्वाचन आयोगले सनाखत गराएको रिटमा भनेका छन् ।
यस्तै सभामुखले आफ्नो दलले कारबाही गरेका १४ जना सांसदलाई गरिएको कारबाहीको सूचना संसद्मा टाँस नगरेको निवेदनमा भनेका छन् । उनले एमाले फुटाउन भूमिका खेलेको रिटमा भनिएको छ ।
