-
-
-
-
काठमाडौं । फ्रान्सका राष्ट्रपति इम्यानुएल म्याक्रोँमाथि दोस्रो पटक आक्रमण भएको छ । चार महिनाको अवधिमा उनीमाथि दोस्रो पटक आक्रमण भएको हो । सोमबार ल्योनमा पुगेका उनीमाथि एक जनाले क्रान्ति जिन्दावादको नारा लगाउँदै अन्डाले हिर्काएका थिए ।
त्यतिबेला म्याक्रोँ इन्टरनेशनल क्याटरिङ एन्ड हस्पिटालिटी फेयरमा सामेल हुने क्रममा समर्थकहरुसँग कुराकानी गरिरहेका थिए ।
यो नारा फ्रान्सको क्रान्ति (सन् १७८९–१७९९) को सन्दर्भमा लगाइने गरिन्छ । घटनापछि म्याक्रोँले उसलाई केही बताउन बाँकी छ भने उसलाई लिएर आउ म कुराकानी गरौंला भनेर अंगरक्षकलाई भनेका थिए ।
राष्ट्रपति कार्यालयले कुनै प्रतिक्रिया दिएको छैन । म्याक्रोंँमाथि गत जुन ८ तारिखमा एक जनाले थप्पड हानेका थिए । त्यतिबेला पनि उनले मानिसहरुसँग कुराकानी गरिरहेका थिए ।
