युरोपियन समूहद्वारा ११ अफगान महिलाहरूलाई मानवअधिकार पुरस्कारका लागि मनोनयन

हाम्रा कुरा

प्रकाशित २०७८ असोज १८ सोमबार

काबुल। युरोपियन युनियनको सोशलिस्ट र डेमोक्रेट्स समूहले सोमबार ११ अफगानी महिलाहरूलाई युरोपेली संसद्मा २०२१ को सखारोभ पुरस्कारका लागि मनोनयन गरेका छन्। यो पुरस्कार युरोपेली सङ्घद्वारा मानवअधिकार रक्षकहरूको लागि उच्च सम्मान हुने र मानवअधिकार हनन विरुद्धको आवाज थप सशक्त हुने बताइएको छ।

यी अफगान महिलाहरू दुवै मानवअधिकार सिकार भएको र मानवअधिकार रक्षक भएकोसमेत बताइएको छ। मनोनीत महिला कार्यकर्ता, राजनीतिज्ञ, पत्रकार र शिक्षक हुन्, जो महिला अधिकारका लागि लडिरहेका छन्। तालिबानले काबुल कब्जा गर्नुअघि अफगानिस्तानमा राजनीतिक र सहयोगी जीवनको हिस्सा भएको सोशलिस्ट र डेमोक्रेट समूहले जानकारी दिएको छ।

ट्विटमा भनिएको छ, आज हामीले २०२१ साखारोभ प्राइजका लागि हाम्रा नामाङ्कन प्रस्तुत गरेका छौँ। ११ प्रमुख अफगानी महिलाहरूको सामूहिकता जो अफगानिस्तानमा समानता र मानव र मौलिक अधिकारको पूर्ण आनन्दको लागि बहादुरीसँग लडिरहेका छन्।

उनीहरूलाई मनोनयन गरेर, हामी अन्तर्राष्ट्रिय समुदायलाई एउटा सन्देश पठाइरहेका छौँ। हामीले महिलाहरूको अधिकार र स्वतन्त्रता र अफगानिस्तानको सम्पूर्ण जनसङ्ख्याको रक्षा गर्नुपर्छ, युरोपेली समूहले ट्विटको एक शृङ्खलामा भनेको छ।

सखारोभ पुरस्कार पहिलो पटक नेल्सन मण्डेला र अनातोली मार्चेन्कोलाई प्रदान गरिएको थियो। विचारको स्वतन्त्रताको लागी सखारोभ पुरस्कार युरोपीय सङ्घद्वारा मानव अधिकारको कामको लागी उच्चतम सम्मान हुनेसमेत बताइएको छ।