-
-
-
-
दार्चुला । पश्चिमी वायुको प्रभावले आइतवरदेखि सुदूरपश्चिममा भारी वर्षा तथा हिमपात भइरहेको छ । यस्तै दार्चुलाको उच्च पहाडी र हिमाली क्षेत्रमा हिमपात सुरु भएको छ ।
व्याँस गाउँपालिका–१ तिंकरमा भारी हिमपात भएको जिल्ला प्रहरी कार्यालय दार्चुलाले जनाएको छ । आइतबार रातिदेखि भइरहेको वर्षाका कारण तिंकर गाउँमा अढाई फिट हिउँ परेको जिल्ला प्रहरी कार्यालय दार्चुलाका प्रहरी निरीक्षक माधव विश्वकर्माले जानकारी दिए ।
तिंकर प्रहरी चौकीका अनुसार सो क्षेत्रमा सोमवार बिहानैबाट हिमपात भइरहेको छ । चिसोका कारण असोज ३० गतेबाटै खानेपानीको पाइप जाम भएर पानीको आपूर्ति हुन नसकेको प्रहरीले जनाएको छ । भारी हिमपात भएपछि त्यहाँको जनजीवन कष्टकर बनेको छ ।
तिंकरमा हिमपात भएपछि सदरमुकाम खलङ्गा लगायतका स्थानमा अत्यधिक चिसो बढेको छ । आंशिक सिँचाई सुविधा भएको क्षेत्रका मानिसहरू भने थोरै भए पनि वर्षाले राहत पुगेको भन्दै खुसी भएका छन् ।
