बाइडेनले भने- चीनले ताइवानमाथि आक्रमण गरे अमेरिकाले बचाउँछ

हाम्रा कुरा

प्रकाशित २०७८ कार्तिक ५ शुक्रबार

काठमाडौँ । अमेरिकी राष्ट्रपति जो बाइडेनले ताइवानमाथि चीनले आक्रमण गरेमा अमेरिकाले बचाउने बताएका छन् । के चीनले आक्रमण गरेमा अमेरिकाले ताइवानको रक्षा गर्छ त भन्दै सोधिएको प्रश्नमा बाइडेनले यस्तो जवाफ दिएका हुन् ।

राष्ट्रपति बाइडेनले भनेका छन्, 'हो, हामी त्यो गर्न प्रतिबद्ध छौँ ।' यसपछि ह्वाइट हाउसले ताइवानसँगको कुनै नीतिगत परिवर्तन भने नभएको बताएको छ । ताइवानले पनि अमेरिकी बयानका सन्दर्भमा आफ्नो चीनसँगको स्थिति परिवर्तन नगर्ने बताएको छ ।

अमेरिकाले लामो समयदेखि ताइवानको रक्षाको बिषयमा 'रणनीतिक अस्पष्टता'को अभ्यास गरेको छ । यसको मतलब चीनले ताइवानमा आक्रमण गरेमा के गर्नुपर्छ भनेर जानेबुझेर अमेरिका अस्पष्ट रहेको देखिन्छ ।