सैन्य बेसबाट ल्याइएका अफगानीलाई अमेरिकामै स्थायी बसोबास दिइँदै

एएनआई,

प्रकाशित २०७८ कार्तिक ७ आइतबार

वासिङ्टन । बाइडेन प्रशासनले अमेरिकाको सैन्य बेसबाट उद्धार गरिएका ५५ हजार ६०० अफगानहरूलाई स्थायी रूपमा बसोबास गर्ने गरी पुनः स्थापना कार्यक्रम योजना ल्याउन लागेको स्थानीय सञ्चार माध्यमहरूले समाचारमा उल्लेख गरेका छन् ।

सैन्य शिविरबाट यति धेरै अफगानीहरूलाई स्थायी बसोबास गर्न ल्याउनु सन् १९८० पछिको पुनः स्थापना कार्यक्रममध्ये सबैभन्दा ठुलो कार्यक्रम भएको खामा प्रेसले उल्लेख गरेको छ । हाल, अफगानिस्तानमा अमेरिकाको पक्षमा काम गर्ने धेरै अफगानीहरू अमेरिकी सैनिक बेसहरूमा स्थापित शरणार्थी शिविरहरूमा बसोबास गरिरहेका छन् ।

अमेरिकी राष्ट्रपति जो बाइडेनले अफगानीहरूसँग सम्बन्ध भएका दिदीबहिनी र अन्य व्यक्तिहरूलाई स्थायी बसोबासका लागि अनुमति दिन एउटा कार्यक्रम सुरु गर्ने निर्णय गरेका हुन् । यसको उद्देश्य अमेरिकामा नयाँ जीवन सुरु गर्दा अफगानीहरूलाई उनीहरूको बस्ती र शहरमा आर्थिक सहयोग वा पुनर्वासका लागि मद्दत गर्नु हो ।

नयाँ पहल अनुसार, १८ वर्ष नाघेका पाँच जनाको समूहले अफगान परिवारका प्रायोजकहरूका लागि आवेदन दिन सक्छन् जसले अफगान परिवारलाई ९० दिनको लागि आर्थिक सहयोग गर्नेछन्, उनीहरूको प्रशिक्षण पूरा गर्नेछन् र परिवारको लागि योजना विकास गर्नेछन् ।

खामा प्रेसका अनुसार यदि प्रस्ताव स्वीकृत भयो भने, यस समूहले आवास प्राप्त गर्न, अमेरिकी सरकार मार्फत उपलब्ध लाभहरू प्राप्त गर्न शरणार्थीहरूलाई सहयोग गर्ने जस्तै चिकित्सा सेवा र अन्य जिम्मेवारीहरूका साथसाथै विद्यालयमा बालबालिकालाई भर्ना गर्न सहयोग गर्ने जिम्मेवारी वहन गर्नेछ ।