इस्लामावाद । कट्टरपन्थी मुस्लिमहरूले गरेको आतङ्कको खबरहरू पछिल्लो समय हेडलाइन बनेनन्। बुधवार बिहान पनि कुनै अपवाद थिएन। सिरियाको राजधानी दमास्कसमा सेनाको बसमा विस्फोटको खबर आएको थियो, जसमा १४ जनाको मृत्यु भएको थियो। पछिल्लो केही वर्षयताको यो सबैभन्दा ठुलो विस्फोट हो। दमास्कसमा इस्लामवादीहरूले आक्रमण गरेपछि विद्रोही नियन्त्रित इडलिबमा सेनाको गोलाबारी भयो, जसको परिणामस्वरूप अन्य १२ व्यक्तिको मृत्यु भएको थियो।
यो इजरायल वा इस्लामोफोबियाद्वारा प्रभावित अन्य कुनै देशको आक्रमण थिएन। पछिल्लो चार सय वर्षसम्म मुस्लिमले नै मुस्लिमलाई वध गरेका घटनाहरू बढेका छन्। यी घटना त्यसैको एउटा उदाहरण मात्र हो।
संयुक्त राष्ट्र बाल कोष (युनिसेफ) को रिपोर्ट अनुसार गरिब अरब देश यमनमा लडाइँ सुरु भएदेखि द्वन्द्वले १० हजार बालबालिका मारिएका छन्। युनिसेफले यमनमा हरेक दिन चार बालबालिका मारिने वा अपाङ्ग हुने गरेको बताएको छ। युनिसेफका प्रवक्ता जेम्स एल्डरले द्वन्द्वका सबै पक्षहरूलाई युद्ध रोक्न आग्रह गर्दै यमनमा बालबालिकाको अवस्था निकै खराब रहेको बताए।
यमनमा युद्धको कुरा गर्दा गत हप्ता, साउदी समर्थित गठबन्धनले मारिब शहरलाई नियन्त्रण गर्न इरान समर्थित हुथी विद्रोहीहरूलाई मारेको दाबी गरेको छ। यो हत्या हिन्दु वा यहूदीको काम नभएर मुसलमानहरूले नै गरेका थिए।
नरसंहारको बारेमा साउदी प्रेस एजेन्सीले अधिकारीहरूलाई उद्धृत गर्दै अब्दियामा गत २४ घण्टामा ३२ वटा हमला गरेको र ११ सैन्य गाडीहरू ध्वस्त पारिएका र १६० भन्दा बढी आतङ्ककारीलाई मारिएको जनाएको छ।
पछिल्लो समय एक् बेलायती सांसद डेभिड अमेस मारिएका छन्। उनलाई एक मुस्लिम बेलायतीले मारेको बताइएको छ। बिबिसीका अनुसार २५ वर्षीय अली हार्बी अलीले हत्या गरेको खुलेको छ। इस्लामी हत्या र युद्धका घटनाहरू अन्त्यहीनजस्तै बनिरहेका छन्।
