क्वेटामा होशावको हत्याविरुद्ध निरन्तर सडक आन्दोलन
एजेन्सी,
प्रकाशित २०७८ कार्तिक १० बुधबार
212
Shares
क्वेटा। होसाबको हत्याविरुद्ध क्वेटाका सडकहरूमा निरन्तर आन्दोलनहरू भइरहेका छन्। ठुलो सङ्ख्यामा रहेका बलुच अधिकारकर्मीहरू, बलुच याकजेटी कमिटीका सदस्यहरू र विद्यार्थीहरूले निरन्तर आन्दोलन गरिरहेका छन्।
निकै विभत्स रुपमा हत्या गरिएका होसाबलाई न्यायको माग गर्दे बलुच याकजेटी कमिटीले क्वेटा, कराँची, तुरबात र बलुचिस्तानका विभिन्न भागमा निरन्तर आन्दोलन गर्ने घोषणा गरेको छ।
अक्टोबर १७ मा विद्यार्थीहरूले बलुचिस्तान विश्वविद्यालयमा आन्दोलन गर्दै सार्यान सडक बन्द गराएका थिए।
आन्दोलनकारीहरूले राज्यबाट तुरुन्त फ्रन्टियर कर्प्सलाई हटाउनुपर्ने र होसाबको हत्यारालाई तत्काल पक्राउ गर्नुपर्ने माग राखेका छन्। नाकु मेहराब र पीडित परिवारले आफूहरूमाथि फ्रन्टियर कर्प्सले निरन्तर दुर्व्यवहार गर्ने गरेको बताएका छन्।
