-
-
-
-
काठमाडौं । भारतीय प्रधानमन्त्री नरेन्द्र मोदीको स्कटल्याण्डको ग्लास्गोमा भव्य स्वागत भएको छ । जलवायु परिवर्तन सम्बन्धी कोप–२६ सम्मेलनमा भाग लिन गएका मोदीको त्यहाँ भव्य स्वागत भएको हो ।
मोदीले उक्त सम्मेलनमा सहभागीता जनाएर सम्वोधनसमेत गर्दैछन् । उनी सोमबार र मंगलबार दुई दिन ग्लास्गोमा रहने छन् । उनले सोमबार साँझ इङ्गल्याण्डका प्रधानमन्त्री बोरिस जोनसनसँग द्धिपक्षीय बैठक गर्नेछन् ।
उनी ग्लास्गोमा उत्रिनासाथ भारतीय समूदायले भव्य स्वागत गर्दै ‘मोदी भारतका गहना’ भएको बताए ।
मोदीले मंगलबार नेपालका प्रधानमन्त्री शेरबहादुर देउवासँग पनि द्धिपक्षीय वार्ता गर्दैछन् ।
आइतबार अक्टुबर ३१ देखि शुरु भएको कोप २६ सम्मेलन आगामी १२ नोभेम्बरसम्म हुनेछ । उक्त सम्मेलनमा करीव २०० देशका प्रतिनिधिले सहभागीता जनाउने छन् ।
सोमबार साँझ ५ः३० बजे कोप–२६ को उद्घाटन हुनेछ ।
