काठमाडौं । काठमाडौको सुन्धारामा बिहानै गोली चलेको छ । अवैध हतियारधारीलाई नियन्त्रणमा लिन खोज्दा महानगरीय अपराध महाशाखाले गोली चलाउनु परेको हो ।
प्रहरीको गोली लागी अवैध हतियारधारी एक जना घाईते भएको प्रहरीले जनाएको छ । घाइतेलाई उपचारका लागि विर अस्पतालमा भर्ना गरिएको छ । घाइते हुनेमा प्रहरी सेवाबाट एसएलआर हतियार सहित भागेका पुर्वप्रहरी जवान छोटेलाल ठाकुर रहेका छन् ।
उनी लुम्बिनी पाहुना घरमा बसेको थाहा पाएपछि प्रहरीले उनलाई खोज्न होटलमै गएको थियो । होटलको ढोका खोलेर उनलाई पक्राउ गर्न खोज्दा ठाकुरले फायरिङ गरेपछि जवाफी फायरीङ गर्ने क्रममा उनको घुँडामा दुई वटा गोली प्रहार गरेको प्रहरीले जनाएको छ ।
ठाकुरको साथबाट प्रहरीले एउटा चाइनिज पेस्तोल र एउटा कटुवा पेस्तोल सहित केही राउण्ड गोली समेत बरामद गरेको छ ।
