आणविक सम्झौता पुनर्स्थापित गर्न इरान र विश्व शक्तिहरूबीच भियनामा वार्ता शुरु

आणविक सम्झौता पुनर्स्थापित गर्न इरान र विश्व शक्तिहरूबीच भियनामा वार्ता शुरु

हाम्रा कुरा

प्रकाशित २०७८ मंसिर १३ सोमबार

काठमाडौँ । इरान र विश्व शक्तिहरूबीच आणविक सम्झौता पुनर्स्थापित गर्न अष्ट्रियाको राजधानी भियनामा वार्ता सुरु भएको छ । सोमबार इरान, चीन, फ्रान्स, जर्मनी, रुस र फ्रान्सका प्रतिनिधिहरूले पहिलो चरणको वार्ता थालेका हुन् ।

करिब ती वर्षअघि अमेरिकाले सम्झौता त्यागेका कारण अहिले अमेरिकाको सहभागिताबिना वार्ता अघि बढाउन इरान भने सहमत देखिएका छैनन् । अमेरिकी प्रतिनिधिहरू पनि वार्तामा आएपछि इरानमाथिका प्रतिबन्ध हट्न सक्ने र इरान फेरि आणविक सम्झौतामा बाँधिने छ ।

पहिलो दिनको छलफलमा आगामी चरणका वार्ता एवं सम्झौताको खाका तयार पार्ने अनुरूपको तयारी छ । सोमबार छ वटै देशका प्रतिनिधहरुबीच अनौपचारिक बहुपक्षीय एवं त्रिपक्षीय वार्ताहरू पनि भएका छन् ।