वासिङ्टन। चीनले कार्बन उत्सर्जन घटाउने वाचा गरे पनि बोस्निया र हर्जेगोभिनामा कोइला पावर प्लान्ट स्थापनाका लागि आर्थिक सहयोग गरिरहेको एसियन न्यूज इन्टरनेशनल (एएनआई) ले रिपोर्ट गरेको छ।

चिनियाँ र पोलिस चिनियाँ फर्महरूले निर्माण गरिरहेको बाल्टिक राष्ट्रमा नयाँ कोइलाबाट चल्ने ऊर्जा केन्द्र उग्ल्जेभिक तेस्रोको लागि जग्गा तयार गरिएको र कोइला जलाउँदा गाउँका बासिन्दाहरूको स्वास्थ्यमा गम्भीर असर परेको एएनआईले वाशिंगटनमा आधारित पत्रिका द डिप्लोमेटलाई उद्धृत गर्दै रिपोर्ट गरेको छ।

बेइजिङले जलवायु परिवर्तनलाई रोक्ने वाचा र राष्ट्रपति सी जिनपिङको हालै कोइला पावर परियोजनामा ​​आर्थिक सहायता रोक्ने वाचा गरे पनि चीनले उग्ल्जेविक र अन्य धेरै युरोपेली सहरहरूमा नयाँ पावर प्लान्ट स्थापनाको योजना बनाएको छ।

एएनआईका अनुसार एक चिनियाँ बैङ्कले बोस्निया र हर्जगोभिनामा कोइलाबाट चल्ने ऊर्जा परियोजनाहरूलाई वित्तपोषण गरिरहेको र जसको निर्माण कार्यहरू भइरहेको बताइएको छ। युरोपेली सङ्घले कानुनको उल्लङ्घनको लागि ऊर्जा निगरानी निकायले अनुसन्धान गरे पनि चीनमाथि भने कुनै कारबाही गरिएको छैन। 

अनुसन्धानकर्ता बावा वाङ र निल्स रेसारेले, द डिप्लोमेट पत्रिकाका लागि संयुक्त रूपमा लेख्दै, नयाँ कोइला पावर प्लान्टको निर्माण छिमेकी देशहरूको लागि अप्रिय र आश्चर्यजनक भएको र यसले ठुलो क्षति पुर्‍याउने बताएकी छन्। 

बोस्निया र हर्जेगोभिनामा कोइला परियोजनाहरूको अनुसन्धान सञ्चालन गर्ने एस्पो कन्भेन्सन (ट्रान्सबाउन्डरी सन्दर्भमा वातावरणीय प्रभाव मूल्याङ्कनसम्बन्धी महासन्धि) ले सीमा पार परामर्शहरू नगरेकोमा बाल्कन देशले पालना नगरेको गहिरो आशङ्का व्यक्त गरेको छ। 

एएनआईले द डिप्लोम्याट पत्रिकाको लेखलाई उद्धृत गर्दै इन्डोनेसिया, फिलिपिन्स र सर्बियामा चिनियाँ लगानीमा निर्माण हुने पावर प्लान्टको ठुलो जोखिम रहेको बताएको छ। यस वर्ष चिनियाँ सरकारी स्वामित्वका उद्यमहरूले घोषणा गरेका यी परियोजनाहरूको कुल अनुमानित क्षमता ३६४५ मेगावाट हुने भएको छ।