-
-
-
-
काठमाडौं । पूर्वी इन्डोनेसियामा ७.३ रेक्टर स्केलको भूकम्प गएपछि सुनामीको चेतावनी दिइएको छ । प्यासिफिक सुनामी चेतावनी केन्द्रले मंगलबार भूकम्पको केन्द्रबिन्दुको १,००० किलोमिटर भित्र रहेका तटहरूमा खतरनाक छालहरू आउन सक्ने चेतावनी दिएको छ ।
भुकम्पका कारण अहिलेसम्म कुनै पनि मानविय क्षतिको विवरण नआएपनि सुनामी र पहिरोले क्षति गर्न सक्ने बताइएको छ । मालुकु, पूर्वी नुसा टेंगारा, पश्चिम नुसा टेंगारा र दक्षिणपूर्व र दक्षिणी सुलावेसीलगायतका क्षेत्रमा सुनामीको चेतावनी दिइएको छ ।
यससँगै केही मानिस घर छोडेर भागिरहेका छन् । भुकम्पपछि ५.६ म्याग्निच्युडको पराकम्प समेत गएको छ ।
सन् २००४ मा सुमात्रामै ९.१ म्याग्निच्युटको भूकम्पपछि आएको सुनामीले २ लाख बढी मानिसहरुको ज्यान गएको थियो ।
