-
-
-
-
काठमाडौं । जापानको ओशाका सहरको एक व्यापारिक भवनमा आगलागी हुँदा २७ जनाको मृत्यु भएको आशंका गरिएको छ। अत्यधिक धुवाँमा श्वास फेरेपछि उनीहरुको मुटु र फोक्सोले काम नगरेका कारण मृत्यु भएको बताइएको छ ।
ओशाकाको शपिङ एवं मनोरञ्जन क्षेत्रस्थित ८ तले भवनमा आगलागी भएको त्यहाँका सञ्चार माध्यमले जनाएका छन् । जापानको सरकारी बोर्डकास्टर एनएचकेका अनुसार २८ जना गम्भीर घाइते भएका छन् ।
आगलागी लगत्तै अग्नि नियन्त्रक बोलाइएका थिए र ३० मिनेटभित्रै आगो नियन्त्रणमा आएको थियो।
आगलागी हुनुको कारण खुल्न सकेको छैन ।
