काठमाडौं । कोरोना भाइरसको महामारी बढेसँगै क्यानडामा पनि खुला जनजीवनमा कडाइ गर्न थालिएको छ । विशेषगरी टोरन्टोमा सेमिलकडाउन भएको छ ।
हिजोमात्रै क्यानडामा ८ हजार ९०८ संक्रमित थपिएका छन् । जसमा टोरन्टोमा मात्रै ३ हजार संक्रमित थपिए । पछिल्लो समय कोरोनाको खतरनाक भेरियन्ट ओमिक्रोन फैलन थालेपछि सतर्कता थप बढाइएको छ ।
टोरन्टोमा आजदेखि दश जना बढी भेटघाट गर्न नपाइने नियम लगाइएको छ । क्रिसमस आइरहँदा थप कडाइ गरिएको हो । त्यस्तै रेष्टुरेन्टमा आधा कटौती गरेर मात्र राख्न थालिएको छ ।
विद्यार्थीलाई आजदेखि १५ दिन क्रिसमसको बिदा दिइएको छ । त्यसपछि पुनः अनलाइन कक्षा संचालन गर्ने तयारी भइरहेको छ । अभिभावकलाईयो जानकारीसमेत गराइएको टोरन्टोमा रहेकी सिर्जना मरासिनी अर्यालले जानकारी दिइन्।
उनका अनुसार कार्यालयहरुसमेत सकभर अनलाइनबाटै चलाउन भनिएको छ । बिगमार्टहरु सीमित मानिसलाई भित्र जान दिएर खोलेका छन् । निकै कडाइ गरिएको छ ।
कोरोना खोप के हुँदैछ ?
क्यानडामा बुस्टर डोज दिइँदैछ । संक्रमण बढेपछि बुस्टर डोज दिने तयारी भएको हो ।
वृद्धवृद्धा तथा दीर्घरोगीलाई प्राथमिकतामा राखेर खोप दिन थालिएको छ । त्यहाँ १२ वर्षमाथिकाले खोप लगाइसकेका छन् ।
१८ वर्षमाथिका युवा ८५ प्रतिशतले खोप लगाएका छन् । समय पुगेकाले बुस्टर डोज पनि लगाउन पाउने छन् ।
१२ वर्षमाथिकाले यसअघि नै खोप लगाउन थालेका थिए ।
अहिले ५ देखि ११ वर्ष उमेर समूहका बालबालिकालाई फाइजर र मोडर्नाको पहिलो डोज दिन थालिएको छ ।
