२०२२ मा चीनको आर्थिक वृद्धि दर खुम्चिने विश्व बैङ्कको प्रक्षेपण
हाम्रा कुरा
प्रकाशित २०७८ पुष ७ बुधबार
648
Shares
काठमाडौं । विश्व बैङ्कले सन् २०२१ र सन् २०२२ मा चीनको आर्थिक वृद्धिदरको प्रक्षेपण घटाएको छ । विश्व बैङ्कले गत जुनमा सन् २०२१ मा चीनको आर्थिक वृद्धि दर ८.५ प्रतिशत हुने प्रक्षेपण गरेको थियो ।
तर, अक्टोबरमा घटाएर ८.१ र अहिले ८ प्रतिशत मात्रै हुने अनुमान प्रक्षेपण गरेको हो । यस्तै सन् २०२२ को चिनियाँ आर्थिक वृद्धि दर पनि ५.४ प्रतिशतबाट घटाएर ५.१ प्रतिशतमा झारेको छ ।
सन् १९९० यता यो दोस्रो पटक चिनियाँ आर्थिक वृद्धि दर खुम्चिने देखिएको हो । सन् २०२० मा चीनको आर्थिक वृद्धि दर २.३ प्रतिशतमा सीमित रहेको थियो ।
विश्व बैङ्कले बुधबार चीनको अर्थतन्त्रको पछिल्लो प्रतिवेदन सार्वजनिक गर्दै चीनको आर्थिक दृष्टिकोणमा नकारात्मक जोखिम बढेको बताएको छ ।
बढ्दो कोरोना भाइरसको सङ्क्रमण र सम्पत्ति खास गरी चिनियाँ रियल स्टेट क्षेत्रको मन्दीले पनि आर्थिक वृद्धिमा असर पार्ने बताइएको छ ।
