- सुन चाँदी दर
- विनिमय दर
- नेपाली पात्रो
- राशिफल
काठमाडौं । कोरोना भाइरसको नयाँ भेरियन्ट ओमिक्रोन डेल्टा भन्दा कम घातक नभएको अध्ययनले देखाएको छ । इम्पेरियल कलेज लन्डनका अनुसन्धानकर्ताहरूले गरेको अनुसन्धानले ओमिक्रोन भेरियन्टले गम्भीर बिरामी बनाउने आधार देखिएको निष्कर्ष निकालेका हुन् ।
अनुसन्धानका क्रममा अन्य भेरियन्टबाट संक्रमित भएका २ लाख र ओमिक्रोनबाट संक्रमित भएका ११ हजार ३ सय २९ जनामाथि अध्ययन गरिएको थियो । सो क्रममा ओमिक्रोन भेरियन्टबाट संक्रमित भएर अस्पताल भर्ना हुनेको दर डेल्टा भेरियन्टबाट संक्रमित भएर अस्पताल भर्ना हुने भन्दा कम नदेखिएको हो ।
यस्तै दुई डोज मात्रै लगाएकाहरूमा ओमिक्रोन विरुद्धको प्रभावकारिता २० प्रतिशतसम्म मात्रै देखिएको छ भने, बुस्टर डोज लगाउँदा ५५ देखि ८० प्रतिशतसम्म देखिएको छ ।
यस्तै डेल्टाको तुलनामा ओमिक्रोनको पुन संक्रमण हुने सम्भावना ५.४ गुणा बढी देखिएको छ । यस्तै अर्को अध्ययनले कोरोना भाइरसको संक्रमणबाट मुक्त भएपछि पुरुषको शुक्राणुको गुणस्तर र स्पर्म सङ्ख्यामा गिरावट भएको देखाएको छ ।
अध्ययनले संक्रमणमुक्त भइसकेपछि महिनौँसम्म पुरुषको शुक्राणु कमजोर हुने गरेको देखाएको छ ।