-
-
-
-
काठमाडौं । जम्मु कश्मीरको कुलगाम र अनन्तनाग जिल्लामा फरक फरक इन्काउन्टरमा ६ आतङ्कवादी मारिएका छन् । जैस ई मोहम्मद आतङ्कवादी सङ्गठनसँग संलग्न रहेको ६ वटै आतङ्कवादी मध्ये ४ जानको पहिचान भएको छ । जसमा दुई पाकिस्तानी र २ स्थानीय भएको पुष्टि भएको छ ।
कश्मीरका इन्स्पेक्टर जनरल अफ पुलिस विजय कुमारले फायरसङका क्रममा दुई सेना र एक प्रहरी जवान घाइते भएका थिए । घाइतेमध्ये एक सैनिकले सहिद भएका छन् भने अन्य दुईको अवस्था स्थिर रहेको छ ।
एक गोप्य सूचनाका आधारमा प्रहरी, सेना र सीआरपीएफले अपरेसन चलाएको र सो क्रममा आतङ्कवादी हरुले सुरक्षा बलमाथि फायरिङ गरेको उनले बताएका छन् । एक आतङ्कवादी अझैँ लुकेर बसेको आशङ्कामा अपरेसन जारी रहेको छ ।
६ मध्ये ५ आतङ्कवादी ३६ घण्टामा मारिएका थिए । उनीहरूको साथबाट गोला बारुद र हतियार बरामद गरिएको छ ।
