चीनद्वारा तिब्बतमा जनसाङ्ख्यिक परिवर्तन गर्न बालबालिकामाथि मानसिक प्रहार

हाम्रा कुरा

प्रकाशित २०७८ पुष १८ आइतबार

काठमाडौँ। चिनियाँ अधिकारीहरूले तिब्बती बालबालिकाहरूलाई विशेष शिविरमा पठाउन थालेका छन्। चीनले यी बालबालिकालाई मिलिसियामा भर्ना गर्न चाहन्छ। त्यसको लागि उनीहरूलाई शिविरमा पठाएर आधारभूत सैन्य तालिम दिने योजना बनाइएको छ।

तिब्बती मिडियामा प्रकाशित रिपोर्ट अनुसार चिनियाँ कम्युनिस्ट पार्टीले तिब्बत स्वायत्त क्षेत्रको जनसाङ्ख्यिक परिवर्तन गर्ने उद्देश्यका साथ यी नीतिहरूमा काम गरिरहेको छ। त्यहाँ आठ वा नौ वर्ष उमेरका बालबालिकालाई इन्डोट्रिनेशन सुविधामा पठाइएको सूचनाहरू चुहिएको छ। यसको उद्देश्य स्थानीय जनसङ्ख्या भित्र चीन विरुद्धको प्रतिरोध नियन्त्रण गर्न थप तिब्बतीहरूलाई सेनामा भर्ना हुन प्रोत्साहित गर्नु हो।

गत वर्षको डिसेम्बरमा तिब्बत एक्शन इन्स्टिच्युटले एक रिपोर्ट जारी गर्दै तिब्बतमा चिनियाँ अधिकारीहरूले तिब्बती बालबालिकाहरूलाई आमाबाबुबाट अलग गर्न र तिनीहरूको आफ्नै भाषा र संस्कृतिसँग सम्पर्क कम गर्न आवासीय विद्यालयहरूको नेटवर्क बनाएको छ।

देशका गोप्य स्थानहरूमा चलिरहेको श्रम कार्यक्रमहरूमा भाग लिन ५० लाख भन्दा बढी तिब्बतीहरूलाई बाध्य पारिएको अनुमान छ। चीनले तिब्बती सभ्यताबारे गलत सूचना दिने र ऐतिहासिक सत्यलाई विकृत गरेर लोप हुने सङ्घारमा पुर्‍याइसकेको छ। चीनले तिब्बती संस्कृतिलाई नष्ट गर्न खोजिरहेको आरोप छ।