हुर्रियत नेतासहित ९ जनाविरुद्ध कश्मीरी छात्रहरूलाई ठगेको आरोपमा मुद्दा
एजेन्सी,
प्रकाशित २०७८ पुष १९ सोमबार
1.4k
Shares
फाइल तस्बिर
श्रीनगर। पाकिस्तानमा एमबिबिएसमा कश्मीरी छात्रहरूलाई प्रवेश दिलाउनुको बदलामा उनीहरूबाट पैसा लिएर त्यसलाई आतङ्क र पृथकतावादी गतिविधिहरूमा प्रयोग गर्ने मामिलामा प्रदेश जाँच एजेन्सी (एसआईए) ले ९आरोपित विरुद्ध अदालतमा आरोप पत्र दर्ता गरेको छ।
यी नौ आरोपितमा हुर्रियत नेता मोहम्मद अकबर बट पनि सामेल छन्। चार्जशीट अनुसार, अकबर बट हिजबुल मुजाहिदीनका ती कमान्डरहरूमा एक थिए, जसले सन २००० मा बन्दुक छोड्ने घोषणा गर्दै कश्मीरमा शान्ति बहालीको निम्ति केन्द्र सरकारको साथ वार्तामा हिस्सा लिएका थिए। पाँच आरोपितलाई अदालतमा पेस गरिएको छ र उनीहरूलाई अदालतको निर्देशानुसार सेन्ट्रल जेल पठाइएको छ। चार आरोपित अझै फरार छन् र त्यसमध्ये एकले पाकिस्तानमा ठेगाना बनाएको उल्लेख छ।
आतङ्क र पृथकतावादसित सम्बन्धित कुनै मामिलामा एसआईएद्वारा अदालतमा दर्ता गरिएको यो पहिलो आरोप पत्र हो। एमबिबिएस सिटहरूको बिक्रीको कमाइबाट आतङ्क फण्डिङको सन्दर्भमा जम्मू-कश्मीर पुलिसको काउन्टर इन्टेलीजेन्स कश्मीर सीआइकेले गत साल जुलाईमा मामिला दर्ता गरी छानबिन सुरु गरेको थियो।
सीआइकेलाई विभिन्न मानिसहरूबाट हुर्रियत नेताले पाकिस्तानका विभिन्न कलेजहरूमा एमबिबिएस र इन्जिनियरिङमा कश्मीरी छात्रहरूलाई प्रवेश दिलाउँदै उनीहरूबाट १०-१२ लाख रुपियाँ असुली गर्ने गरेको सूचना प्राप्त भएको थियो।
यसमध्ये धेरै सिटहरू कश्मीरमा मारिएका आतङ्कहरूका सन्तानहरूको निम्ति निःशुल्क पनि हुन्छ। यस कमाइको एक ठुलो हिस्सा कश्मीरमा आतङ्क र पृथकतावादी गतिविधिहरूमाथि खर्च हुन्छ।
