-
-
-
-
जोहानेस्बर्ग । दक्षिण अफ्रिकामा बुधबार भएको एक सवारी दुर्घटनामा परेर कम्तीमा पनि १७ जनाको ज्यान गएको बताइएको छ । यहाँका अधिकारीहरूले दिएको जानकारीअनुसार मिनिबस र ट्याक्सी एक आपसमा जुध्दा भएको दुर्घटनामा परेर १७ जनाको ज्यान गएको छ भने अरू केही घाइते भएका छन् ।
बुधबार भएको सो दुर्घटनामा परेर अरू १२ जना घाइते भएका छन् । ती घाइतेको अवस्था पनि गम्भीर रहेको उनीहरूको भनाई रहेको छ । निकै द्रुत गतिमा ती दुवै सवारी दुई विपरीत बाटोबाट आएका थिए । त्यस क्रममा ठोक्किएका र त्यसपछि सवारीमा आगो लागेको थियो ।
आगलागीका कारण ती सवारी साधनमा रहेका यात्रुहरु नराम्री जलेका थिए । जलेका कारण शवको पहिचान हुन नसकेको अधिकारीहरूले जनाएका छन् ।
