पुन्च। एक प्रख्यात काश्मीरी राजनीतिज्ञले बिहीबार भारतमा मुस्लिमहरूले स्वतन्त्रताको आनन्द लिएको र अन्य भारतीय जस्तै समान अधिकारहरूको उपभोग गरिरहेको बताएका छन्। उनले भारतमा कुनै पनि अल्पसङ्ख्यकले पीडा तथा असमानता र विभेदको सामना गर्नु नपरेको समेत बताएका छन्। यद्यपि पाकिस्तानमा भने अल्पसङ्ख्यक समुदायले चरम यातना र विभेदको सामना गर्नु परिरहेको उनले बताए।

जम्मू कश्मीर पीपुल्स जस्टिस फ्रन्ट (जेकेपीजेएफ) का अध्यक्ष आगा सैयद अब्बास रिजवीले पुन्च जिल्लाको सुरानकोट तहसीलमा मुस्लिमहरूलाई उनीहरूको धार्मिक समारोह र चलनहरू पूरा गर्न प्राप्त भएको स्वतन्त्रताका विषयमा बोल्दै भारतमा रहेका मुस्लिमहरूले विभेदको सामना गर्नु नपर्नेसमेत आश्वस्त पारेका छन्।

भारत एक धर्मनिरपेक्ष देश भएको र यसले बहुसङ्ख्यकहरूलाई जस्तै अल्पसङ्ख्यकहरूलाई पनि समान अवसरको ग्यारेन्टी गर्ने उनले बताए। आगा सैयदले अल्पसङ्ख्यकहरू, विशेष गरी भारतमा मुस्लिमहरूले उनीहरूको धार्मिक अनुष्ठान, समारोह र रीतिरिवाजहरू पालन गर्नमा बहुसङ्ख्यकहरूले उपभोग गर्ने स्वतन्त्रताको आनन्द लिइरहेकामा गर्व गरेका छन्।

कश्मीर धार्मिक सहिष्णुताको उत्कृष्ट उदाहरण हो, महात्मा गान्धीले पनि स्वीकार गरे, जबसम्म हाम्रा छिमेकीले यहाँको शान्तिमा हस्तक्षेप र खलल पुर्‍याउन थालेका छैनन्,’ उनले भने।

उनले स्वतन्त्रतापछि आत्मघाती बम विस्फोटको एउटा पनि घटना नभएको बताए।  स्वतन्त्रतापछि आत्मघाती विस्फोटको एउटा पनि घटना भएको छैन। कुरान अनुसार अपवित्र, हाम्रो छिमेकी इस्लामिक देशमा दैनिक रूपमा हमलाहरू भइरहेको छन्, उनले थपे।

यस मुद्दामा उनले अल्पसङ्ख्यकहरू विशेष गरी, जिकरी (सिया सम्प्रदाय) र हजारा समुदायबाहेक अहमदहरूको पाकिस्तानमा नियमित रूपमा मृत्यु भइरहेको समाचारहरू आउने गरेकासमेत बताए। नियोजित नरसंहार कार्यक्रम अन्तर्गत मानिसहरूको हत्या गरिन्छ र लगातार लक्षित हत्या र आत्मघाती विस्फोटहरू भइरहेका छन्, उनले भने।

आगा सैयदले भारत, इन्डोनेसियापछि सबैभन्दा धेरै मुस्लिमहरूको बसोबास भएकोले मुस्लिम देशहरू सम्मिलित ओआईसी समूहमा स्थान दिनुपर्ने र उक्त सङ्गठनमा स्थायी सिट दिइनुपर्ने बताएका छन्।